İdman

Azərbaycanlı milyoner: "Lazım gəlsə, İbrahimoviçi də alarıq"

21 Noyabr 2013 18:00
0 Şərh     Baxış: 2 309
VTB-də minimal faiz dərəcəsi ilə nağd kredit 10.49%-dən
#AZERBAİJAN #İDMAN #CANAL PLUS SA
"Bakı" klubunun prezidenti Hafiz Məmmədov sahibi olduğu Fransa "Lans"ının hədəfləri barədə danışıb. Lent.az-ın məlumatına görə, azərbaycanlı iş adamı "Canal+"ə müsahibəsində "Lans"ı I Liqa adlanan yüksək liqaya qaytarmaq niyyətində olduğunu bildirib.

"Bakı"nın prezidenti "Lans"a hələlik 20 milyon avro investisiya qoyub. Lakin o, öz məqsədinə çatmaq üçün "pul kisəsinin ağzını daha geniş açmağa" hazırdır:

"Biz Fransanın elit liqasına qayıtmalıyıq. Ən yaxşı olmağa can atırıq. Bu səbəbdən, "Lans"a sərmayə qoymalıyıq. Necə lazımdırsa, klubu maliyyələşdiririk".

Hazırda Fransada PSJ və "Monako" klubları da əcnəbi iş adamları tərəfindən maliyyələşdirilir. Dünyanın ən güclü futbolçularından Zlatan İbrahimoviç PSJ, Radamel Falkao isə "Monako"da çıxış edir.

Məmmədov da supertransferlər etməyə hazır olduğunu bildirib: "Nəyə görə də yox? Lazım gəlsə, İbrahimoviç və ya Falkaonu da alarıq".

Qeyd edək ki, "Lans" Fransa çempionatının II Liqasında 14 turdan sonra 3-cü pillədə qərarlaşıb və lider "Mets"dən cəmi 4 xal geri qalır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.