İdman

Con Toşakdan avtomobil aludəçilərinə jest - FOTO

22 Aprel 2013 16:19

0 Şərh Baxış: 239

VTB-də minimal faiz dərəcəsi ilə nağd kredit 10.49%-dən

#AZERBAİJAN

"Xəzər Lənkəran"ın baş məşqçisi Con Toşak boş vaxtlarından səmərəli istifadə edərək sağlamlığının qeydinə qalır.

Qol.Az-ın 12cioyuncu.info saytına istinadən yaydığı xəbərə görə, 64 yaşlı mütəxəssis şəxsi avtomobildən və sürücüdən imtina edərək sağlamlığını qorumaq üçün velisopedə üstünlük verib. Uelsli təcrübəli çalışdırıcı komandanın Lənkəranda keçirilən məşqlərinin ardından köməkçilərinə öz tapşırıqlarını verdikdən sonra istirahət etmək məqsədi ilə velosipedinə oturaraq istirahət mərkəzində onun üçün ayrılmış xüsusi VİP kottecə yollanır. Stadionun ərazisində yerləşən baza-oteldə məskunlaşan futbolçuların istirahət saatlarında nizam-intizama riayət etmələrinə isə, əsasən, klubun idman direktoru Babək Quliyev nəzarət edir.

Xatırladaq ki, vaxtı ilə "Xəzər Lənkəran"ın baş məşqçisi olmuş Mirça Rednik də digər bir vərdişlə yadda qalırdı. Belə ki, komanda ilə birgə bazada qalan rumıniyalı çalışdırıcı stadion ərazisində ayrılmış xüsusi yerdə pişik bəsləməyə maraq göstərirdi.

Milli.Az

Böyütmək üçün şəkillərə klikləyin.