Cəmiyyət

8 nömrəli tam orta məktəbdə nə baş verir? - AÇIQLAMA

19 May 2025 21:39
Baxış: 13 546
VTB-də minimal faiz dərəcəsi ilə nağd kredit 9.9%-dən
#IMTAHAN

Mayın 17-də paytaxtdakı ümumi təhsil müəssisələrinin IV sinifləri üzrə monitorinq imtahanı keçirilib. İmtahan Bakıda yerləşən 8 nömrəli tam orta məktəbdə təşkil olunub, lakin bu, valideynlər arasında narazılığa səbəb olub.

Milli.Az xəbər verir ki, məktəblilərin valideynləri şagirdlərin saat 09:00-da imtahana başlamasına baxmayaraq, imtahan vərəqələrinin onlara 3-4 saat sonra verildiyini bildiriblər.

Valideynlərin iddialarına görə, imtahanın 150 dəqiqə davam etməsi gözlənilsə də, şagirdlər 4-5 saat məktəbdən buraxılmayıb. Bu zaman məktəbin qarşısında gözləyən valideynlər narahatlıq hissi keçirərək, övladlarının dərhal buraxılmasını tələb ediblər. Nəticədə, uşaqlar göz yaşları ilə məktəb binasından çıxıblar.

Məsələ ilə bağlı Bakı Şəhər Təhsil İdarəsindən bildirilib ki, 4-cü sinif şagirdləri üçün keçirilən monitorinq zamanı bir imtahan mərkəzində texniki məsələlərlə bağlı problem yaranıb:

 "Bununla bağlı operativ tədbirlər görülüb. Uşaqlara optimal vaxt ərzində biliklərini nümayiş etdirmək üçün müvafiq vaxtın verilməsi təmin olunub. Monitorinq şəffaf şəkildə keçirilib və heç bir əlavə ajiotaj yaranmayıb", - deyə qurumdan bildirilib.

Asya
Milli.Az

 
 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.