İdman

Alonso "Çelsi"nin ən bahalı transferindən danışdı

5 Sentyabr 2026 15:52

Baxış: 1 396

VTB-də minimal faiz dərəcəsi ilə nağd kredit 9.9%-dən

#TRANSFERLƏR #FUTBOL #PREMYER LİQA #ÇELSİ

"Çelsi"nin baş məşqçisi Xabi Alonso "Aston Villa"dan hücumçu Morqan Rocersin transferi barədə danışıb.

Milli.Az lent.az-a istinadən bildirir ki, Alonso Morqanı vacib transfer hesab etdiyini deyib:

"Heyəti formalaşdırarkən vacib qərarlar qəbul etmək lazım gəlir və Morqan da şübhəsiz ki, onlardan biri idi. Həm indiki dövr, həm də gələcək perspektiv baxımından bu səviyyəli futbolçunu transfer etmək bizim üçün çox vacib idi. O, qarşıdakı 6-7 il ərzində komandanın əsas oyunçularından biri olacaq. Artıq indidən kluba böyük təsir göstərir".

Futbolçunun "Aston Villa"dan transferi iyulun 21-də rəsmən açıqlanıb. Daha əvvəl Rocersin keçidinin 117 milyon funt-sterlinqə (137 milyon avro) başa gəldiyi bildirilirdi.

"Transfermarkt"ın məlumatına görə, bu, "Çelsi" tarixinin ən bahalı transferidir. Əvvəlki rekord 121 milyon avroya transfer edilən yarımmüdafiəçi Enso Fernandesə məxsus idi.

Morqan Rocers cari mövsümdə keçirdiyi iki oyunda 1 qol vurub və 1 məhsuldar ötürmə edib.

Müəllif: Tural Hüseyn (Milli.Az redaktor)