İdman

"Sabah"ın hücumçusundan qələbə açıqlaması: “Heç vaxt təslim olmuruq”

26 Avqust 2026 09:20

Baxış: 357

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU #ÇEMPİONLAR LİQASI #SABAH FK

"Sabah"ın hücumçusu Coy-Lens Mikels UEFA Çempionlar Liqasının pley-off mərhələsinin cavab oyunundan sonra komandasının qələbəsini şərh edib.

Milli.Az xəbər verir ki, futbolçu qarşılaşmanın asan keçmədiyini bildirib və "Sabah"ın sona qədər mübarizə apardığını vurğulayıb.

Coy-Lens Mikels komandanın çətin məqamlarda belə ruhdan düşmədiyini qeyd edib:

"Düşünürəm ki, biz bu qələbəyə layiq idik. Oyun bizim üçün çox çətin keçdi. Komanda olaraq matç boyunca böyük iradə göstərdik. Biz heç vaxt təslim olmuruq."

Hücumçu qol buraxdıqdan sonra yaşadıqları çətinliyə də toxunub:

"Qol buraxdıqdan sonra buna inana bilmirdik. Amma sonda bir daha göstərdik ki, heç vaxt təslim olmuruq. Bu, xüsusi an idi. Çox qürurluyam. Hər şey fantastik və möhtəşəm idi."

Qeyd edək ki, Tofiq Bəhramov adına Respublika Stadionunda keçirilən "Sabah" - "Hapoel Beer-Şeva" qarşılaşması Azərbaycan təmsilçisinin 5:2 hesablı qələbəsi ilə başa çatıb. İlk oyunda "Sabah" 1:2 hesabı ilə məğlub olmuşdu.

Beləliklə, "Sabah" tarixində ilk dəfə UEFA Çempionlar Liqasının liqa mərhələsində iştirak etmək hüququ qazanıb.

Müəllif: Tural Hüseyn (Milli.Az redaktor)