İdman

Rahim Sterlinq həbs oluna bilər

26 Avqust 2026 10:11

Baxış: 294

VTB-də minimal faiz dərəcəsi ilə nağd kredit 9.9%-dən

#FUTBOL #İNGİLTƏRƏ #HƏBSXANA

İngiltərə millisinin sabiq futbolçusu və dördqat ölkə çempionu Rahim Sterlinq təhlükəli avtomobil idarə etməkdə ittiham olunur.

Milli.Az xarici mətbuata istinadən xəbər verir ki, 31 yaşlı futbolçu bu ittiham üzrə məhkəmə qarşısında iki ilədək həbs cəzası riski ilə üzləşib.

Məlumata görə, Rahim Sterlinqə azot oksidini saxlamaq və tibbi analiz verməkdən imtina ilə bağlı da ittihamlar irəli sürülüb.

Futbolçu 2026-cı ildən Niderlandın "Feyenoord" klubunda çıxış edir. Karyerası ərzində "Liverpul", "Çelsi", "Arsenal" və "Mançester Siti"nin də formasını geyinib.

Rahim Sterlinq "Mançester Siti" ilə dörd dəfə İngiltərə çempionu olub. O, həmçinin beş dəfə İngiltərə Liqa Kubokunu və bir dəfə İngiltərə Kubokunu qazanıb.

İngiltərə millisində isə futbolçu 2021-ci il Avropa çempionatında gümüş, 2019-cu il Millətlər Liqasında isə bürünc medal əldə edib.

Müəllif: Tural Hüseyn (Milli.Az redaktor)