İdman

UEFA Mahir Emrelinin klubunu böyük məbləğdə cərimələdi

13 Avqust 2026 17:19

Baxış: 281

VTB-də minimal faiz dərəcəsi ilə nağd kredit 9.9%-dən

#FUTBOL #UEFA

Azərbaycan millisinin futbolçusu Mahir Emrelinin çıxış etdiyi Polşanın "Rakuv" klubu böyük məbləğdə cərimələnib.

Milli.Az report-a istinadən xəbər verir ki, bu barədə UEFA İntizam Komitəsi qərar çıxarıb.

Ekstraklasa təmsilçisi UEFA Konfrans Liqasının III təsnifat mərhələsində İsveçin "Hammarbü" komandasına qarşı keçirdiyi oyunda yaşananlara görə ziyana düşüb.

Avropa futbol qurumu "Rakuv"a pirotexniki və digər vasitələrdən istifadəyə görə cərimə kəsib. Klub buna görə 60 000 avro ödəməli olacaq.

Polşa komandasına iki il sınaq müddəti verilib. Bu hal yenə təkrarlanarsa, avrokuboklardakı növbəti ev matçında B1 və B7 sektorlarına azarkeşlər buraxılmayacaq. "Rakuv" sözügedən qarşılaşmada ictimai keçidlərin bağlanmasına görə isə 8 000 avro cərimələnib.

Xatırladaq ki, görüş qolsuz yekunlaşıb. Tərəflər arasındakı cavab matçı bu gün, Bakı vaxtı ilə saat 21:00-da start götürəcək.

Müəllif: Tural Hüseyn (Milli.Az redaktor)