İdman

Öldüyü deyilən futbolçu "morq"da dirildi

13 Avqust 2026 09:30

Baxış: 357

VTB-də minimal faiz dərəcəsi ilə nağd kredit 9.9%-dən

#NİGERİA #FUTBOL

Nigeriyada öldüyü bildirilən 28 yaşlı futbolçu Çinedu Ozor morqda ayılıb.

Milli.Az lent.az-a istinadən bildirir ki, "Katsina United"in yeni transferi mövsümöncəsi "Niger Tornadoes"lə yoldaşlıq oyununun ilk dəqiqələrində qəfil huşunu itirərək yerə yıxılıb.

Xəstəxanaya çatdırılan futbolçunun öldüyü açıqlanıb. Bundan sonra klub və futbol qurumları Ozorun vəfatı ilə bağlı başsağlığı mesajları da yayıblar. Futbolçunun cəsədi isə prosedurlar üçün meyitxanaya aparılıb.

Lakin yarılmaya hazırlıq zamanı Ozorun əlini hərəkət etdirdiyi və həyat əlamətləri göstərdiyi müşahidə olunub. Tibb işçiləri onu dərhal morqdan çıxararaq xəstəxananın təcili yardım şöbəsinə, daha sonra reanimasiyaya yerləşdiriblər.

Keçmiş klubu "Heartland" da futbolçunun sağ olduğunu təsdiqləyərək onun nəfəs aldığını bildirib.

Son məlumata görə, 28 yaşlı futbolçunun vəziyyəti ağır olaraq qalır.

Müəllif: Tural Hüseyn (Milli.Az redaktor)