İdman

Mourinyonun "Real"da sərt qaydaları

10 Avqust 2026 16:05

Baxış: 2 234

VTB-də minimal faiz dərəcəsi ilə nağd kredit 9.9%-dən

#MARAQLI #JOZE MOURİNYO #REAL MADRİD #FUTBOL #PRİMERA

"Real"ın yeni baş məşqçisi Joze Mourinyo Madrid klubuna qayıtdıqdan sonra komanda daxilində nizam-intizamı gücləndirmək üçün bir sıra yeniliklərə start verib.

Milli.Az xarici mediaya istinadən xəbər verir ki, portuqaliyalı mütəxəssis əsas diqqəti futbolçuların qidalanmasına, zədələrdən sonra bərpa prosesinə və daxili qaydalara əməl olunmasına yönəldib.

Yeni qaydalara əsasən, klubun dietoloqu bundan sonra futbolçuların səhər yeməyi və qəlyanaltılarının menyusunu müəyyənləşdirəcək. Əvvəllər oyunçular bu məsələdə daha sərbəst qərar verə bilirdilər. Bundan başqa, Joze Mourinyo futbolçular və məşqçilər üçün birlikdə nahar etmə qaydasını tətbiq edib. Bu addımın komanda daxilində ünsiyyəti və birlik hissini artıracağı gözlənilir.

Məşqçi zədələnən futbolçuların bərpası məsələsində də sərt nəzarət tətbiq edib. Artıq oyunçuların klubdan kənarda müalicə və reabilitasiya keçməsinə icazə verilməyəcək. Futbolçular bütün lazımi prosedurları gündə iki dəfə - səhər və axşam "Real"ın məşq bazasında keçməli olacaqlar.

İntizam qaydalarında gecikmələrlə bağlı da dəyişiklik edilib. Futbolçular məşqdən ən azı bir saat əvvəl bazaya gəlməlidirlər. Müəyyən olunmuş vaxta əməl etməyən oyunçular isə əvvəlki kimi pul cəriməsi ilə deyil, əlavə fərdi məşqlə cəzalandırılacaqlar.

Joze Mourinyonun bu addımları "Real"da daha ciddi və nəzarətli iş rejimi formalaşdırmaq istədiyini göstərir. Portuqaliyalı çalışdırıcının məşqçilik karyerası ərzində intizamı komanda idarəçiliyinin əsas prinsiplərindən biri kimi önə çıxardığı məlumdur.

Müəllif: Tural Hüseyn (Milli.Az redaktor)