İdman

Mbappe rekorda imza atdı

15 İyul 2026 14:55

Baxış: 2 345

VTB-də minimal faiz dərəcəsi ilə nağd kredit 9.9%-dən

#FRANCE #FUTBOL #REKORD

Fransa millisinin hücumçusu Kilian Mbappe dünya çempionatlarında keçirdiyi oyun sayına görə yığmanın yeni rekordçusuna çevrilib.

Milli.Az xarici mətbuata istinadən xəbər verir ki, İspaniyaya qarşı keçirilən yarımfinal qarşılaşması 27 yaşlı futbolçu üçün mundiallar tarixində 21-ci matç olub. Bununla da Kilian Mbappe bu göstəricidə Fransa millisinin sabiq qapıçısı Uqo Lyorisi geridə qoyub. Lyoris dünya çempionatlarında ümumilikdə 20 oyunda meydana çıxmışdı.

Hazırda İspaniyanın "Real" klubunun formasını geyinən Mbappe 2024/2025 mövsümündə Madrid təmsilçisi ilə İspaniya Superkuboku və Qitələrarası Kuboku qazanıb.

Fransa millisinin heyətində 2018-ci ildə dünya çempionluğu yaşayan hücumçu, 2022-ci ildə Qətərdə keçirilən mundialda isə gümüş medal əldə edib. O, həmin turnirdə vurduğu 8 qolla yarışın bombardiri adını da qazanmışdı.

Qeyd edək ki, ABŞ, Kanada və Meksikanın birgə ev sahibliyi etdiyi 2026-cı il dünya çempionatına iyulun 19-da yekun vurulacaq.

Müəllif: Tural Hüseyn (Milli.Az redaktor)