İdman

DÇ-2026: Fransa - İspaniya matçını o idarə edəcək

13 İyul 2026 14:03

Baxış: 2 348

VTB-də minimal faiz dərəcəsi ilə nağd kredit 9.9%-dən

#SPAİN #FRANCE #FUTBOL #FİFA #HAKİM

2026-cı il futbol üzrə dünya çempionatının yarımfinal mərhələsində keçiriləcək Fransa - İspaniya qarşılaşmasının hakim təyinatı açıqlanıb.

Milli.Az xəbər verir ki, FIFA-nın rəsmi saytındakı məlumata görə, iyulun 14-də baş tutacaq vacib görüşün baş hakimi salvadorlu İvan Barton olacaq. Onun bu oyuna təyin edilməsi futbol ictimaiyyətində maraqla qarşılanıb və azarkeşlər arasında geniş müzakirələrə səbəb olub.

Bir çox futbolsevərlər futbolun o qədər də inkişaf etmədiyi ölkəni təmsil edən hakimin belə vacib qarşılaşmanı idarə etməsi ilə bağlı fərqli fikirlər səsləndiriblər.

35 yaşlı İvan Barton Salvador futbolunun ən tanınmış hakimlərindən biri hesab olunur. O, kimya ixtisası üzrə ali təhsil alıb və bir müddət Salvador Universitetində müəllim kimi fəaliyyət göstərib. Daha sonra hakimlik karyerasına üstünlük verən Barton 30 yaşına çatmamış FIFA referisi statusu qazanıb.

O, daha əvvəl DÇ-2022-də də oyunlar idarə edib. DÇ-2026-da isə qrup mərhələsində ABŞ - Paraqvay və Yaponiya - İsveç, həmçinin 1/16 finalda keçirilən İsveçrə - Kolumbiya qarşılaşmalarında ədaləti qoruyub.

Qeyd edək ki, Fransa - İspaniya yarımfinal görüşü iyulun 14-də Bakı vaxtı ilə saat 23:00-da start götürəcək.

Müəllif: Tural Hüseyn (Milli.Az redaktor)