İdman

Messi 1957-ci ilin rekordunu təzələdi

10 İyun 2026 22:14
Baxış: 409
VTB-də minimal faiz dərəcəsi ilə nağd kredit 9.9%-dən
#LİONEL MESSİ

Argentina milli komandasının və ABŞ-nin "İnter Mayami" klubunun hücumçusu Lionel Messi İslandiya ilə keçirilən yoldaşlıq oyununda (3:0) növbəti tarixi uğura imza atıb.

Milli.Az qafqazinfo-ya istinadən xəbər verir ki, İslandiya millisi üzərində qazanılan inamlı qələbə Messi üçün ikiqat yaddaqalan olub.

O, bu qarşılaşmada Argentina yığmasının heyətində özünün 199-cu rəsmi oyununa çıxıb və millidəki 117-ci qolunu vurub.

Bu qolun əsas özəlliyi ondan ibarətdir ki, Messi Argentina milli komandasının tarixində qol vuran ən yaşlı futbolçu adını qazanıb. Bununla da o, onilliklər boyu yenilənməz qalan tarixi rekordu qırmağı bacarıb.

Yığmada qol vuran ən yaşlı oyunçu rekordu bundan əvvəl Anhel Labrunaya məxsus idi. Labruna 1957-ci ildə Braziliya millisinin qapısına yol taparkən 38 yaş 9 ay 10 günlüyündə idi. İndi isə bu rekord Messiyə keçib.

Xatırladaq ki, dünya çempionatına hazırlaşan son dünya çempionu Argentina yığması DÇ-2026-nın qrup mərhələsində Əlcəzair, Avstriya və İordaniya milliləri ilə üz-üzə gələcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.