İdman

“Qarabağ”a 4 qol vuran hücumçu klubundan ayrılmaq istəyir

16 Aprel 2026 15:15
Baxış: 777
VTB-də minimal faiz dərəcəsi ilə nağd kredit 9.9%-dən
#FUTBOL

İngiltərənin "Nyukasl" futbol klubunun cinah hücumçusu Entoni Qordon yay transfer pəncərəsində komandadan ayrılmaq niyyətindədir.

Milli.Az İdman.Biz-ə istinadən bildirir ki, bu barədə yerli KİV məlumat yayıb.

Mənbənin bildirdiyinə görə, Qordon ötən yay Aleksandr İsak kimi daha yüksək səviyyəli kluba keçmək istəyir. Futbolçu hesab edir ki, artıq "Nyukasl"ın səviyyəsini keçib və yeni çağırışa ehtiyac duyur.

İngiltərəli oyunçu daha yüksək maaş və mütəmadi olaraq Çempionlar Liqasında çıxış etmək istəyir. Bu mövsüm 25 yaşlı futbolçu bütün turnirlərdə 46 oyuna çıxıb, 17 qol vurub və beş məhsuldar ötürmə edib.

Xatırladaq ki, UEFA Çempionlar Liqasının pley-off mərhələsində "Qarabağ"a qarşı Bakıda keçirilən ilk qarşılaşmada "Nyukasl"ın ulduzu Entoni Qordon ilk hissədə "poker"ə imza atmışdı. Oyun "sağsağanlar"ın 1:6 hesablı qələbəsi ilə bitmişdi.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.