İdman

Salah "Liverpul"la vidalaşdı

24 Mart 2026 23:49
Baxış: 15 622
VTB-də minimal faiz dərəcəsi ilə nağd kredit 9.9%-dən
#LİVERPUL

"Liverpul"un formasını geyinən Məhəmməd Salah mövsümün sonunda İngiltərə klubundan ayrılacağını açıqlayıb.

Milli.Az xəbər verir ki, 2017-ci ildən bəri klubun uğurları üçün tər tökən və adını əfsanələr sırasına yazdıran Məhəmməd Salah sosial media hesabından paylaşım edərək ayrılıq qərarını bildirib.

Məhəmməd Salah açıqlamasında bu sözləri qeyd edib: "Təəssüf ki, o gün gəldi. Bu, vidalaşmağımın ilk hissəsidir. Mövsümün sonunda 'Liverpool FC'dən ayrılacağam. İlk növbədə onu demək istəyirəm ki, bu klubun, bu şəhərin və bu insanların həyatımın bir hissəsinə çevriləcəyini heç vaxt xəyal etməmişdim. 'Liverpool FC' sadəcə bir futbol klubu deyil; bir ehtiras, bir tarix, bir ruhdur. Bunu bu klubun parçası olmayan birinə izah edə bilmərəm. Qələbələri qeyd etdik, ən vacib kubokları qazandıq. Həyatımızın ən çətin anlarında birlikdə mübarizə apardıq. Bu klubun bir hissəsi olan hər kəsə, xüsusən də keçmiş və indiki komanda yoldaşlarıma və azarkeşlərə təşəkkür etmək istəyirəm. Mənə göstərdiyiniz dəstək, karyeramın ən yaxşı və ən çətin anlarında yanımda olmağınız heç vaxt unutmayacağım və həmişə qəlbimdə daşıyacağım bir şeydir".

2017-ci ilin yayında "Roma"dan transfer edilən misirli hücumçu İngiltərə nəhəngi ilə birlikdə iki Premyer Liqa çempionluğu, Çempionlar Liqası, FIFA Klublararası Dünya Kuboku, UEFA Super Kuboku, FA Kuboku, iki Liqa Kuboku və bir FA Community Shield qazanıb.

"Liverpul"da indiyədək 435 matça çıxan Salah 255 qolla bütün zamanların ən məhsuldar oyunçuları siyahısında üçüncü yerdə qərarlaşıb. Salah, həmçinin 119 məhsuldar ötürmə (asist) ilə yadda qalıb.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.