İdman

"Ronaldonu pisləməyim üçün çoxlu pul təklif edildi" - İllər sonra AÇIQLADI

20 Fevral 2026 09:35

Baxış: 7 053

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #KRİŞTİANU RONALDU #FUTBOL #MODEL

Portuqaliyalı ulduz futbolçu Kriştiano Ronaldonun keçmiş sevgilisi, britaniyalı model və aparıcı Cemma Atkinson uzun illər sonra münasibətləri ilə bağlı diqqətçəkən etiraf edib.

Milli.Az-ın xarici mediaya istinadən məlumatına görə, Atkinson bildirib ki, ayrılıqdan sonra ona Ronaldonun ünvanına mənfi fikirlər səsləndirməsi üçün böyük məbləğdə pul təklif olunub. Lakin o, bu təklifi qəbul etmədiyini deyib.

"Atdığım heç bir addımdan peşman deyiləm. Ayrıldıqdan sonra mənə onun haqqında pis danışmağım üçün kifayət qədər yüksək məbləğ təklif etdilər. Amma mən bunu etmədim. Çünki onun haqqında deyə biləcəyim mənfi bir söz yox idi".

Atkinson qeyd edib ki, şəxsi münasibətlərin mediada qalmaqala çevrilməsini istəməyib və sensasiya xatirinə açıqlama verməyi düzgün saymayıb. O, ayrılıqdan sonra susqun qalmağı seçdiyini və keçmiş münasibətinə hörmətlə yanaşdığını bildirib.

Modelin bu sözləri sosial şəbəkələrdə də geniş müzakirələrə səbəb olub.

Hüseyn
Milli.Az