İdman

"Qarabağ"ın ulduzu Türkiyədə oynaya bilər

13 Yanvar 2026 14:34
Baxış: 1 380
VTB-də minimal faiz dərəcəsi ilə nağd kredit 9.9%-dən
#TÜRKİYƏ #AZƏRBAYCAN FUTBOLU #TRANSFERLƏR #QARABAĞ #FUTBOL

"Qarabağ"ın istedadlı futbolçusu Emanuel Addai karyerasını Türkiyə Superliqasında davam etdirə bilər.

Milli.Az xəbər verir ki, 24 yaşlı qanalı hücumçunun yay transfer pəncərəsində "Konyaspor"a keçmək ehtimalı yüksəkdir.

Məlumata görə, Addai menecerləri vasitəsilə artıq Türkiyə Superliqasının tanınmış klubuna təklif edilib. Futbolçunun "Qarabağ"la müqaviləsinin bu mövsüm sonunda başa çatması "Konyaspor" rəhbərliyinin danışıqlar zamanı əlini gücləndirən əsas amillərdən biridir. Bu, Konya təmsilçisinə transfer məbləğinə qənaət edərək futbolçunu azad agent statusunda heyətinə qata bilmək imkanı yaradır.

Əgər bu keçid reallaşarsa, Emanuel Addai "Qarabağ"dan "Konyaspor"a transfer edilən ilk oyunçu olmayacaq. Cari ildə malili yarımmüdafiəçi Hamidu Keyta Ağdam klubundan ayrılaraq Türkiyə təmsilçisinə qoşulmuşdu. Keyta "Qarabağ"la müqaviləsini qarşılıqlı razılaşma əsasında ləğv etdikdən sonra "Konyaspor"la müqavilə imzalamışdı.

Xatırladaq ki, Emanuel Addai 2024-cü ilin yayında "Qarabağ"a transfer olunub və qısa müddətdə komandanın hücum xəttində özünəməxsus yer tutmağı bacarıb. /Sport24.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.