İdman

“Çelsi” yeni baş məşqçisini açıqladı

6 Yanvar 2026 20:01

Baxış: 1 165

VTB-də minimal faiz dərəcəsi ilə nağd kredit 9.9%-dən

#ÇELSİ

İngiltərənin "Çelsi" klubu yeni baş məşqçisini rəsmən açıqlayıb. "Zadəganlar" Liam Rozenyor ilə 2032-ci ilə qədər davam edəcək 6 illik uzunmüddətli müqavilə imzalayıblar.

Milli.Az xəbər verir ki, 41 yaşlı mütəxəssis "Derbi" və "Hall Siti"dəki təcrübələrindən sonra yenidən İngiltərə futboluna qayıdıb.

"Çelsi"nin rəsmi saytına danışan Rozenyor bu təyinatdan böyük qürur duyduğunu bildirib:

"Bu klubun unikal ruhu və kuboklarla dolu şanlı tarixi var. Mənim vəzifəm bu kimliyi qorumaq və hər oyunda bu dəyərləri əks etdirən, qələbələr qazanan bir komanda yaratmaqdır. Bu vəzifənin mənə etibar edilməsi dünyalar qədər əhəmiyyətlidir. Klubun layiq olduğu uğurları gətirmək üçün hər şeyimi verəcəyəm."

"Çelsi" rəhbərliyi 1 yanvarda yollarını ayırdığı Enzo Mareska ilə bağlı qərarını sürətlə icra edib. Mareskanın gedişinə səbəb rəhbərliklə münasibətlərin kəskin pisləşməsi olub.

Mareskanın mövsüm sonunda Pep Qvardiolanı əvəzləmək üçün "Mançester Siti" ilə gizli danışıqlar aparması və bu vəziyyətdən "Çelsi" ilə müqavilə yeniləmək üçün təzyiq vasitəsi kimi istifadə etməsi rəhbərliyi qəzəbləndirib.

Zədədən qayıdan futbolçuların heyətə daxil edilməsi məsələsində Mareskanın həkimlərin tövsiyələrinə məhəl qoymaması tərəflər arasında ciddi ixtilaf yaradıb.

Mareska öz "Instagram" hesabında etdiyi paylaşımda deyib: "Mən 'Çelsi' kimi nüfuzlu bir klubu layiq olduğu yerdə qoyub getməyin daxili hüzuru ilə ayrılıram."

Liam Rozenyor 2022-ci ildə "BlueCo" konsorsiumu klubu satın aldıqdan sonra təyin edilən 4-cü daimi baş məşqçidir. Azarkeşlər bu təyinatı "riskli, lakin maraqlı" addım kimi qiymətləndirirlər.

Lalə Qüdrətova
Milli.Az

Milli.Az - Xəbər Portalı

“Çelsi” yeni baş məşqçisini açıqladı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?