Dünya

Özbəkistanda yaşayış binasında hovuzun içindən köpəkbalıqları çıxdı - (Video)

5 Sentyabr 2026 13:54

Baxış: 330

VTB-də minimal faiz dərəcəsi ilə nağd kredit 9.9%-dən

#MARAQLI #VİDEO #BİNA #ÖZBƏKİSTAN

Özbəkistanın şərqində yerləşən Fərqanə şəhərində yaşayış binalarından birinin zirzəmisində siam köpəkbalıqlarının saxlanıldığı qanunsuz süni göl (hovuz) aşkar edilib.

Milli.Az oxu.az-a istinadən xəbər verir ki, bu barədə Fərqanə vilayətinin Tikinti və Mənzil-Kommunal Təsərrüfatı Sahəsinə Nəzarət üzrə İnspeksiyasının mətbuat xidməti məlumat yayıb.

Məlumata görə, qurum əməkdaşlarının apardıqları araşdırmalar nəticəsində məlum olub ki, binanın altındakı hovuz yerli sakin tərəfindən quraşdırılıb. Həmin şəxs orada onadək şirin su siam köpəkbalığı (panqasius) bəsləyib. İnspeksiya tərəfindən paylaşılan görüntülərdə Cənub-Şərqi Asiya üçün xarakterik olan iriölçülü balıqların kiçik və bulanıq su çənində üzdüyü əks olunub.

Ümumi istifadədə olan sahənin qanunsuz zəbt edilməsinə görə həmin vətəndaş barəsində inzibati protokol tərtib edilib. Qayda pozucusuna cərimə tətbiq olunub.

İnspeksiya həmçinin kişiyə zirzəmini 15 gün müddətində boşaltmaq və obyekti əvvəlki vəziyyətinə qaytarmaq öhdəliyi qoyub. Bununla belə, nəzarət orqanları müsadirə edilən köpəkbalıqlarının sonrakı taleyi barədə hələlik heç bir məlumat verməyiblər.

Müəllif: Tural Hüseyn (Milli.Az redaktor)