İdman

"Mançester Siti"də ciddi İTKİ - mövsüm onun üçün qapana bilər

6 Yanvar 2026 15:05

Baxış: 693

VTB-də minimal faiz dərəcəsi ilə nağd kredit 10.49%-dən

#FUTBOL #PREMYER LİQA #MANÇESTER SİTİ

"Mançester Siti"nin müdafiəçisi Yoşko Qvardiol aldığı ciddi zədə səbəbindən uzun müddət yaşıl meydanlardan kənarda qalacaq.

Milli.Az-ın xarici mətbuata istinadən yaydığı məlumata görə, xorvatiyalı futbolçu Premyer Liqanın XX turunda "Çelsi" ilə başa çatan oyun zamanı (1:1) zədələnib.

Bildirilir ki, 23 yaşlı müdafiəçinin sağ baldır sümüyündə sınıq aşkarlanıb və onun əməliyyat olunması zəruridir. Həkimlərin ilkin rəyinə əsasən, Qvardiolun mövsümün qalan hissəsində meydana çıxmaması ehtimalı yüksəkdir.

Qeyd edək ki, Yoşko Qvardiol cari mövsümdə bütün turnirlərdə 23 oyunda forma geyinib, 4 qol vurub və 3 məhsuldar ötürmə ilə yadda qalıb.

Hüseyn
Milli.Az