"Fənərbağça"nın superulduzunun özündən 10 yaş kiçik SEVGİLİSİ göz oxşadı - FOTOlar

İspaniyalı futbolçu Marko Asensio həm karyerasındakı sürətli dəyişikliklər, həm də şəxsi həyatı ilə gündəmə gəlib.

Milli.Az-ın xarici mediaya istinadən yaydığı məlumata görə, Asensionun son illərdə klub dəyişiklikləri diqqət çəkir. O, 2025-ci ildən etibarən üç fərqli komandada çıxış edib. Yanvar ayında Fransa çempionatında PSJ-nin ehtiyat heyətində meydana çıxan yarımmüdafiəçi, martda "Aston Villa"ya transfer olunub. Sentyabr ayından isə artıq 6 qol vurduğu "Fənərbaxça" ilə müqavilə imzalayıb.

Bununla yanaşı, "Real Madrid"in sabiq futbolçusunun şəxsi həyatında da yeniliklər var. Asensio yeni münasibətə başlayıb. Onun yeni sevgilisinin Laviniya olduğu bildirilir.

Xatırladaq ki, Marko Asensio bu yaxınlara qədər Sandra Qaral ilə evli olub. Lakin Sandra onunla Madriddən Parisə köçmək istəməyib və cütlük yollarını ayırıb. Asensio ötən ilin sonunda verdiyi açıqlamada keçmiş həyat yoldaşı barədə müsbət fikirlər səsləndirib:

"Bunlar gözəl illər idi və Sandraya birlikdə yaşadıqlarımıza görə açıq şəkildə təşəkkür edirəm. O, həyatımda xüsusi yeri olan bir insandır".

Boşanmanın rəsmi olaraq tamamlanıb-tamamlanmadığı açıqlanmasa da, noyabr ayında Laviniya Leonardın Marko Asensio ilə öpüşərkən çəkilən fotoları sosial şəbəkələrdə yayılıb. Daha sonra Laviniya Asensionun payızda İstanbula köçməsi ilə bağlı "Fənərbaxça"nın Şükrü Saracoğlu stadionunda çəkilmiş şəkillərini də paylaşıb.

İyunda isə Marko və Laviniyanın Sardiniyada eyni istirahət məkanında görüntüləndiyi məlum olub. Azarkeşlər fotolardakı məkanları müqayisə edərək onların birlikdə tətil etdiklərini təsdiqləyiblər.

Laviniya barədə mediada az məlumat var. İspaniya mətbuatı onun təxminən 20 yaşında olduğunu və Asensiondan 9 yaş kiçik olduğunu yazır. Onun model olduğu iddia edilsə də, sosial şəbəkələrdə aktivliyinin az olması bu mövzuda suallar yaradıb. Laviniyanın "Instagram" hesabında cəmi 19 paylaşım və 14 min izləyici var.

Beləliklə, Marko Asensio hazırda həm meydanda uğurlu çıxışı, həm də şəxsi həyatındakı yeniliklərlə gündəmdə qalmaqdadır.

Hüseyn
Milli.Az