İdman

Ronaldodan son 16 ildə bir İLK

31 Dekabr 2025 10:27
Baxış: 1 933
VTB-də minimal faiz dərəcəsi ilə nağd kredit 9.9%-dən
#MARAQLI #KRİŞTİANU RONALDU #SAUDİ ARABİA #FUTBOL

Portuqaliyalı ulduz futbolçu Kriştiano Ronaldo 2025-ci təqvim ilini rəsmi oyunlarda het-trik qeydə almadan başa vurub.

Milli.Az qafqazinfo-ya istinadən xəbər verir ki, hazırda Səudiyyə Ərəbistanının "Əl-Nəsr" klubunun formasını geyinən hücumçu üçün bu göstərici karyerasında nadir hallardan biri kimi diqqət çəkir.

Bu, Ronaldonun 2009-cu ildən, yəni "Real Madrid"ə transfer olunduğu mövsümdən bəri ilk dəfə bir ili het-triksiz başa vurmasıdır. Təcrübəli futbolçu 2025-ci ildə bütün turnirlər üzrə 41 qol vurub. Onun ilin son qolu Səudiyyə Ərəbistanı Premyer Liqasında səfərdə "Əl-İttifaq"la 2:2 hesablı oyunda qeydə alınıb.

40 yaşlı hücumçu karyerası ərzində beşqat Çempionlar Liqası, Avropa çempionluğu və ikiqat Millətlər Liqası titulları qazanıb. Ronaldo Portuqaliya millisinin, Çempionlar Liqasının, Avropa çempionatının və Klublararası Dünya Kubokunun tarixində ən çox qol vuran futbolçu statusunu qoruyur.

2022-ci ilin dekabrında "Əl-Nəsr"ə transfer olunan ulduz futbolçu bundan əvvəl "Sportinq", "Mançester Yunayted", "Yuventus" və "Real Madrid" klublarında çıxış edib. O, eyni zamanda "Real Madrid" tarixində ən məhsuldar oyunçu kimi də tanınır.

Milli.Az
   




 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.