Gilasın qurdlamaması üçün nə etməli?

Albalının (gilasın) qurdlanmasının qarşısını almaq üçün ən vacib amillərdən biri zərərverici həşəratlarla vaxtında mübarizə aparmaqdır. Xüsusilə albalı milçəyi yumurta qoymazdan əvvəl tədbir görmək böyük əhəmiyyət daşıyır. Bağın təmiz saxlanması və yerə tökülmüş meyvələrin vaxtında toplanması da qurdlanma riskini azaldır. Düzgün qulluq və zəruri qorunma üsulları tətbiq edildikdə, meyvələr daha sağlam yetişir.

Milli.Az xəbər verir ki, albalıların qurdlanmaması üçün ən vacib addımlardan biri məhsulun vaxtında yığılmasıdır. Meyvələr tam yetişməmişdən əvvəl ağacdan toplanarsa, zərərvericilərin içəriyə yumurta qoymasının qarşısı alınır. Xüsusilə "albalı milçəyi" kimi tanınan həşəratlar yetişmiş meyvələrə üstünlük verir, ona görə də erkən yığım meyvəni qoruyur. Ağac üzərində çox gözləyən meyvələr daha böyük risk altındadır.

Albalı milçəyinə qarşı sarı yapışqanlı tələlər çox effektivdir. Bu tələlər ağacın müxtəlif yerlərinə bərabər şəkildə yerləşdirilir. Bu üsulla həşəratların yumurta qoyması böyük ölçüdə əngəllənir və kimyəvi vasitələrdən istifadə etmədən təbii qorunma təmin edilir.

Bağın təmizliyi qurdlanmanın qarşısının alınmasında kritik rol oynayır. Ağacın dibinə tökülən meyvələr mütləq yığılmalıdır, çünki bu meyvələr zərərvericilər üçün çoxalma mərkəzinə çevrilir. Torpağın mütəmadi olaraq bellənməsi (çapalanması) və alaq otlarının təmizlənməsi zərərvericilərin yaşayış mühitini məhdudlaşdırır.

Ağacları qorumaq üçün sarımsaqlı su və ya sabunlu su kimi qarışıqlardan istifadə edilə bilər. Bu cür tətbiqlər kimyəvi dərmanlara alternativdir və ətraf mühitə, həmçinin meyvənin keyfiyyətinə zərər vermir.

Zəruri hallarda kimyəvi mübarizə də tətbiq oluna bilər, lakin bu dərmanlar mütləq mütəxəssis tövsiyəsi ilə istifadə edilməlidir. Yanlış istifadə həm meyvəyə, həm də ətraf mühitə zərər verə bilər. Dərmanlama adətən albalı milçəyinin aktiv olduğu dövrlərdə aparılır.

Müəllif: Ülkər Vəliyeva (Milli.Az redaktor)