İdman

İkardi "Qalatasaray"dan gedir, yerinə bu ulduz gəlir - FOTO

13 Dekabr 2025 12:00

Baxış: 1 162

VTB-də minimal faiz dərəcəsi ilə nağd kredit 9.9%-dən

#MARAQLI #TÜRKİYƏ #MAURO İKARDİ

Türkiyənin futbol klublarından olan "Qalatasaray" qış transfer dönəmi heyətində ciddi dəyişiklik etməyə hazırlaşır. Yerli və xarici mediada yayılan məlumatlara görə, İstanbul təmsilçisi dünya səviyyəli hücumçu ilə danışıqlar aparır.

Milli.az xəbər verir ki, Türkiyə KİV-ləri sarı-qırmızılı klubun maraqlandığı futbolçunun Santyaqo Ximenes olduğunu yazıb. Hazırda İtaliyanın Milan klubunda çıxış edən 26 yaşlı hücumçu üçün "Qalatasaray"ın təxminən 30 milyon avro ödəməyə hazır olduğu bildirilir.

Məlumatlara görə, transfer baş tutacağı təqdirdə argentinalı ulduz Mauro İkardi ilə yolların ayrılması gündəmə gələ bilər. Klub rəhbərliyinin hücum xəttində yenilənməyə getmək istədiyi vurğulanır.

Santyaqo Ximenesə maraq göstərən tək klub "Qalatasaray" deyil. Almaniyanın Ayntraxt Frankfurt başda olmaqla, Avropanın bir neçə tanınmış komandası da meksikalı qolçunun transferini yaxından izləyir.

Fidan
Milli.Az