İdman

Hələ qol vurmadan "Fənərbaxça"nın tarixinə düşdü

3 Sentyabr 2025 07:35
Baxış: 2 893
VTB-də minimal faiz dərəcəsi ilə nağd kredit 9.9%-dən
#TRANSFERLƏR #FƏNƏRBAĞÇA #TARİX #FUTBOL

Fənərbaxça Kerem Aktürkoğlunu 22 milyon 500 min avro müqabilində transfer edib. Bu transfer sarı-lacivərtli klub tarixində indiyədək həyata keçirilən ən bahalı transfer olub.

2025-2026 mövsümü üçün heyət planlamasına başlayan Fənərbaxça artıq John Duran, Archie Brown, Tarık Çetin, Nelson Semedo, Milan Skriniar, Dorgeles Nene, Edson Alvarez, Marco Asensio və Edersonla yanaşı, ötən mövsüm "Benfica" formasını geyinən milli futbolçu Kerem Aktürkoğlunu da rənglərinə bağlayıb.

Klub bu transfer üçün Portuqaliya təmsilçisinə 22,5 milyon avro ödədiyini açıqlayıb. Beləliklə, Kerem Aktürkoğlu transferi Fənərbaxçenin tarixində rekord məbləğlə reallaşan transfer kimi qeydiyyata düşüb. Bu vaxta qədər klubun ən yüksək transfer xərci 19,5 milyon avro ilə mərakeşli hücumçu Youssef En-Nesyriyə ödənmişdi.

Keçən mövsüm "Benfica" formasında 53 oyuna çıxan Kerem Aktürkoğlu 16 qola imza atmışdı. Bu mövsümdə isə 5 matçda şans qazanıb. Onun Portuqaliya təmsilçisi ilə son qolu 27 avqustda UEFA Çempionlar Liqasının pley-off cavab oyununda məhz Fənərbaxçaya qarşı gəlib. 26 yaşlı futbolçu həmin görüşdə "Benfica"nın 1:0 hesablı qələbəsini təmin edən yeganə qolun müəllifi olmuşdu. Bu nəticə ilə Fənərbaxçə həm oyunu uduzmuş, həm də "Çempionlar Liqası"ndan kənarda qalmışdı.

Sarı-lacivərtlərin yeni transferi Kerem Aktürkoğlu, beləliklə, "Benfica" forması ilə son qolunu artıq öz indiki klubuna qarşı vurmuş oldu.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.