İdman

"Barselona" "Real"ın ulduzuna göz dikdi - FOTO

20 İyul 2025 09:48

Baxış: 3 120

VTB-də minimal faiz dərəcəsi ilə nağd kredit 9.9%-dən

#DÜNYADA #İDMAN #BARSELONA #REAL MADRİD #FUTBOL #ULDUZ FUTBOLÇU

İspaniyanın iki əzəli rəqibi arasında diqqətçəkən bir transfer baş verə bilər. "Real Madrid"in braziliyalı futbolçusu Rodriqo Qoesin "Barselona"ya keçidi gündəmdədir.

Milli.Az xəbər verir ki, bu barədə məlumatı "UOL" nəşri yayıb.

Xəbərdə bildirilir ki, Kataloniya klubu artıq Rodriqonun nümayəndələri ilə ilkin təmas qurub. "Blauqrana"nın vingeri heyətinə qatmaq istədiyi vurğulanır.

Daha öncə isə Rodriqonun "Real Madrid"dən ayrılmaq istədiyi və İngiltərə Premyer Liqası klublarının da onu transfer etmək üçün maraq göstərdikləri qeyd olunmuşdu.

Xatırladaq ki, 24 yaşlı Rodriqo ötən mövsüm "Kral klubu" ilə bütün turnirlərdə 54 oyuna çıxaraq 14 qol və 11 assistlə yadda qalıb. Onun Madrid təmsilçisi ilə müqaviləsi 2028-ci ilin yayına qədər qüvvədədir. "Transfermarkt" platformasına əsasən, oyunçunun dəyəri 90 milyon avro qiymətləndirilir.

Kənan
Milli.Az