İdman

Milli komanda üçün ayağımı da sındıraram - Ronaldo

9 İyun 2025 23:42
Baxış: 1 320
VTB-də minimal faiz dərəcəsi ilə nağd kredit 9.9%-dən
#KRİŞTİANU RONALDU #PORTUGAL

Çox xoşbəxtəm. Bu nəsil, bu komanda bu uğuru haqq edirdi.

Milli.Az Teleqraf-a istinada xəbər verir ki, Portuqaliya yığmasının kapitanı Kristiano Ronaldo UEFA Millətlər Liqasının finalında İspaniyanı penaltilər seriyasında 5:3 (əsas və əlavə vaxt - 2:2) hesabı ilə məğlub etdikləri oyundan sonra belə deyib.

40 yaşlı hücumçu Portuqaliya rəngləri ilə nə isə qazanmağın hər zaman xüsusi hiss olduğunu bildirib:

"Klublarla çoxlu titul əldə etmişəm. Lakin heç bir uğur millidə qazanılan nailiyyətlə müqayisə oluna bilməz. Bu, bizim ölkəmizdir. Biz kiçik, amma ambisiyalı dövlətik. Sevinirəm ki, bütün portuqaliyalılara sevinc bəxş etdik. Belə bir komandanın kapitanı olmaqdan qürur duyuram və mənim üçün yığmada qazanılan kubok - futbolun zirvəsidir".

Ronaldo oyunu başa vurmağa mane olan zədəsi barədə də danışıb:

"İsinmə hərəkətləri zamanı ayağımda ağrı hiss etdim. Buna görə də oyun vaxtı belə bir halın baş verəcəyini bilirdim. Lakin lazım gəlsə, milli komanda üçün ayağımı da sındıraram. Biz finaldan danışırıq. Oynamalı və meydanda tam gücümü ortaya qoymalı idim. Bacardığım qədər var qüvvəmlə çalışdım və komandama qolla kömək etdim".
 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.