İdman

"Real" portuqaliyalı ulduzu transfer etdi

17 İyun 2026 16:00

Baxış: 1 055

VTB-də minimal faiz dərəcəsi ilə nağd kredit 9.9%-dən

#TRANSFERLƏR #REAL MADRİD #FUTBOL #PRİMERA #MANÇESTER SİTİ

Portuqaliya millisinin üzvü Bernardu Silva karyerasını İspaniya nəhəngində davam etdirəcək.

Milli.Az xarici mətbuata istinadən xəbər verir ki, təcrübəli yarımmüdafiəçinin "Real Madrid"ə keçidi rəsmiləşib. Madrid klubunun yaydığı açıqlamada futbolçu ilə uzunmüddətli müqavilə imzalandığı bildirilib.

Məlumata görə, tərəflər arasında əldə olunan razılaşma 2028-ci ilin iyununun sonunadək qüvvədə olacaq. Beləliklə, Bernardu Silva yeni mövsümdən etibarən "Kral klubu"nun formasını geyinəcək.

31 yaşlı futbolçu 2017-ci ildə Fransanın "Monako" klubundan İngiltərənin "Mançester Siti" komandasına transfer olunmuşdu. O, Premyer Liqa təmsilçisinin heyətində çoxsaylı uğurlara imza atıb.

Silva "Mançester Siti" ilə altı dəfə İngiltərə çempionluğu qazanıb, həmçinin ölkə kuboku, Liqa Kuboku və Superkubokunda bir neçə dəfə qalib olub. Portuqaliyalı yarımmüdafiəçi klub səviyyəsində UEFA Çempionlar Liqası, UEFA Superkuboku və Klublararası Dünya Çempionatı kimi nüfuzlu turnirlərin də qalibi adını qazanıb.

Bu transfer futbolsevərlər arasında böyük maraq doğurub və yay transfer dövrünün ən diqqətçəkən keçidlərindən biri hesab olunur.

Müəllif: Tural Hüseyn (Milli.Az redaktor)