İdman

Azərbaycanda yeni klub yaradıldı: çempionun 4 oyunçusu transfer edildi

29 Aprel 2025 18:48
Baxış: 1 266
VTB-də minimal faiz dərəcəsi ilə nağd kredit 9.9%-dən
#VOLEYBOL

Azərbaycanda qadın voleybolçulardan ibarət yeni klub yaradılıb.

Milli.Az xəbər verir ki, "DH Volley Baku" adlanan klub "Azərlotereya" ASC Korporativ Sosial Məsuliyyət strategiyası çərçivəsində təsis olunub.

Klubun prezidenti Şərəf Yalçın, baş məşqçisi isə Fərid Cəlalovdur. 

"DH İdman" MMC-nin yaratdığı klub növbəti mövsümdən etibarən Azərbaycan çempionatının Yüksək Liqasında və ölkə kuboku yarışlarında mübarizə aparacaq.

"Azərbaycan çempionatında əsas hədəfimiz çempionluqdur. Yalnız yerli yox, beynəlxalq yarışlarda da adımızdan söz etdirmək niyyətindəyik", - deyə "DH Volley Baku"nun prezidenti Şərəf Yalçın bildirib.

Komandanın iddiasını heyətdən də görmək mümkündür. Belə ki, kluba Azərbaycan yığmasının 5 voleybolçusu cəlb olunub. Söhbət Aynur İmanova, Katerina Jidkova, Ceyran İmanova, Nilufər Ağazadə və Raziyə Əliyevadan gedir.

Adıçəkilən oyunçulardan 4-ü ötən həftə Azərbaycan çempionu tituluna yiyələnən "Azərreyl"dən transfer olunub. Təkcə Katerina Jidkova isə son mövsümdə gümüş medalı qazanan "Abşeron"un şərəfini qoruyub. (Offsideplus.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.