İdman

"Qarabağ"a 9 qol vuran klub 2-ci liqə düşdü

27 Aprel 2025 09:36
Baxış: 9 910
VTB-də minimal faiz dərəcəsi ilə nağd kredit 9.9%-dən
#QARABAĞ #FRANCE #FUTBOL

Fransa Liqa 1-i 2024/2025 mövsümünün yekunlarına əsasən tərk edəcək klublardan biri müəyyənləşib. 

Milli.Az xəbər ki, "Monpelye" bu gecə rəsmən Liqa 2-yə yuvarlanıb.

Buna komandanın nəzəri cəhətdən ötə biləcəyi "Havr"ın "Monako" ilə evdə heç-heçə (1:1) oynaması səbəb olub.

Bu nəticədən sonra xalını 28-ə çatdıran "Havr" çempionatın sonuna 4 tur qalmış "Monpelye" üçün əlçatmaz olub. Hazırda 15 xala malik monpelyelilər qalan 4 turda maksimum xal qazansalar belə, 17-ci pillədən yüksəyə qalxa bilməyəcəklər.

"Monpelye" 2003/2004 mövsümündən bəri Liqa 1-də mübarizə aparırdı. Komanda hətta 2011-ci ildə Liqa 1-də çempionluq sevinci yaşayıb.

Lakin cari mövsümdəki uğursuzluq fonunda baş məşqçi Jan-Luis Qasse istefaya göndərilib. Onun əvəzinə yaxın keçmişin məşhur futbolçusu Zumana Kamara gətirilib.

Xatırladaq ki, "Monpelye" Azərbaycan futbol azarkeşlərinə əsasən "Qarabağ"la avrokuboklardakı oyunlara görə tanışdır. Ağdam klubu artıq tarixin yaddaşına köçmüş İntertoto Kubokunun 1999/2000 mövsümündə fransızlara 0:3 və 0:6 hesabı ilə uduzaraq mübarizəni dayandırıb. /Offsideplus.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.