İdman

“Mançester Siti”dən ayrılır – Türkiyə nəhəngləri hərəkətə keçdi

24 Aprel 2025 17:42

Baxış: 2 230

VTB-də minimal faiz dərəcəsi ilə nağd kredit 9.9%-dən

#DÜNYADA #MANÇESTER SİTİ

İngiltərə Premyer Liqasının nəhəngi "Mançester Siti"dən mövsümün sonunda ayrılacağını açıqlayan dünya şöhrətli belçikalı futbolçu Kevin De Bruyne ilə bağlı gözlənilməz inkişaf baş verib. Superliqa nəhəngləri "Fənərbağça" və "Qalatasaray"ın adları onunla yanaşı çəkilərkən, daha bir sürpriz klub transfer üçün hərəkətə keçib.

Milli.Az xəbər verir ki, De Bruyne sosial şəbəkədə yayımladığı emosional mesajla "Mançester Siti"yə vida etdiyini təsdiqləyib:

"Bu, mənim 'Siti'dəki son aylarım olacaq. Bu şəhər, bu klub, bu insanlar mənə hər şeyi verdi. Hər hekayənin bir sonu var. Amma bu, şübhəsiz ki, ən yaxşı hissə idi."

Transfer xəbərləri ilə gündəmə gələn De Bruyne ilə "Fənərbağça" və "Qalatasaray"ın maraqlandığı bildirilir. Hətta mediada yayılan məlumatlara görə, "Qalatasaray" artıq futbolçunun nümayəndələri ilə ilkin təmas qurub.

Lakin Türkiyə klublarından öncə hərəkətə keçənlər də var. İngiltərə mətbuatının yazdığına görə, "Çelsi" ulduz futbolçunun agenti ilə görüşərək, onu növbəti mövsüm üçün əsas transfer hədəfi elan edib. Eyni zamanda "Aston Villa" da danışıqlara başlayıb və De Bruyne transferini mövsümün sonunda rəsmiləşdirmək üçün ciddi səy göstərir.

33 yaşlı futbolçu bu mövsüm "Mançester Siti"nin heyətində 35 matçda 5 qol vurub, 8 məhsuldar ötürmə ilə yadda qalıb.

Futbolsevərlər indi böyük maraqla De Bruyne-nin növbəti dayanacağını gözləyir.

Fidan
Milli.Az