İdman

"Butulka satıb pul qazanmışam, hər şeyi qram-qram alırdım"

24 Aprel 2025 13:32

Baxış: 2 064

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #MƏŞHURLAR #ŞOU #İDMANÇI

Fitnes məşqçi Kamil Zeynallı çətin keçən uşaqlıq vaxtlarından danışıb.

Milli.Az xəbər verir ki, ilk dəfə pulu küçədən qazandığını deyən idmançı səmimi etiraflar edib.

O, həmin günlərini belə xatırlayıb:

"Butulka satırdım, evə pul aparırdım. Köhnə "İnqlab" adlanan ərazidə 3-4 oğlan idik, arabaları götürüb məhəllələri gəzərək, butulkaları yığırdıq. Qapılar da döyüb, istəyirdik. Topladıqlarımızı satırdıq. Qazandığım pulu anama verirdim, yaxud çörək-kolbasa alırdım. Hamısını qram-qram ala bilmişəm. Pendir, kolbasa, nə olsa... Uşaqlıqda heç birini bütöv görməmişəm. Anam deyirdi ki, çörəkdən çox ye, onları qənaət edək.

Daha sonra köhnə "Nəsimi" bazarı vardı, orada işləmişəm. Araba daşıyırdım, həmçinin oradan da butulkalar yığırdım. Bazarda gün sonu bir az çürük olan meyvələri atmaq üçün kənar qoyurdular. Həmin o meyvə-tərəvəzləri yığıb gətirirdim, anam da çürük yerlərini kəsirdi, yeyirdik. Bizə çox dadlı gəlirdi, günümüzə Şükür edirdik. Sonrası məlumdur. Allah hər kəsin ağlı və ürəyinə görə versin. Heç vaxt ağlımdan keçməzdi ki, Qəbələdə evim olar. Həmişə arzulamışıq ki, 1 sotda bir otağımız olsun. Sən, Allahdan istə. Niyyətin təmiz olsun, kiminsə mal-mülkündə gözün olmasın. Tanrı yetirəcək".

Hüseyn
Milli.Az