İdman

Bu gün Premyer Liqada 2 matç var

13 Aprel 2025 10:20
Baxış: 1 120
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU #FUTBOL #PREMYER LİQA #MİSLİ PREMYER LİQASI

Misli Premyer Liqasında XXX tura bu gün baş tutacaq iki oyunla yekun vurulacaq.

Milli.Az  xəbər verir ki, əvvəlcə "Araz-Naxçıvan" səfərdə "Kəpəz"in qonağı olacaq.

Tovuz şəhər stadionunda keçiriləcək və Kamal Umudlunun idarə edəcəyi görüş saat 17:00-da başlayacaq. "Araz-Naxçıvan" hazırda 51 xalla turnir cədvəlinin üçüncü pilləsində qərarlaşıb. Doqquzuncu yerdə olan Gəncə klubunun isə 27 xalı var.

Turun son matçı "Neftçi Arena"da baş tutacaq. "Neftçi" evdə "Zirə" ilə üz-üzə gələcək. Rəşad Əhmədovun idarə edəcəyi matçın start fiti saat 19:15-də səsləndiriləcək. "Zirə" turnir cədvəlində 55 xalla ikinci yerdədir. Altıncı olan "Neftçi"nin isə 35 xalı var.

Qeyd edək ki, turun daha əvvəl keçirilən görüşlərində "Qarabağ" "Səbail"i (4:1), "Turan Tovuz" "Sabah"ı (2:1), "Şamaxı" isə "Sumaqayıt"ı (2:1) məğlub edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.