İdman

“Barselona” ulduzuna 200 milyonluq təklif - Mbappeni əvəz edəcək?

8 Aprel 2025 12:00

Baxış: 3 521

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI #FRANSA #PSJ

Fransanın nəhəng klubu PSJ Kylian Mbappeni əvəz etmək üçün "Barselona"nın parlayan ulduzu Lamine Yamala 200 milyon avro təklif edib.

Milli.Az xarici mediaya istinadla xəbər verir ki, lakin Kataloniya təmsilçisi bu təklifi qəti şəkildə rədd edib.

PSJ Mbappenin yayda Real Madridə keçidi gözlənildiyi üçün onun yerini doldura biləcək yeni ulduz axtarışındadır. Klub rəhbərliyi xüsusilə prezident Nasser Əl-Xelaifi Lamine Yamalın Paris klubunun yeni siması ola biləcəyini düşünür.

16 yaşlı futbolçu üçün təklif edilən 200 milyon avro futbol tarixində edilən ikinci ən yüksək transfer məbləği ola bilərdi. Xatırladaq ki, birinci yeri yenə bu iki klub arasındakı Neymarın 222 milyon avroluq transferi tutur.

Lakin "Barselona" rəhbərliyi bu təklifi qəbul etməyib. Klub Lamine Yamalı "Leo Messidən sonra La Masia-nın yetişdirdiyi ən böyük istedad" kimi qiymətləndirir. Gənc oyunçu bu mövsüm göstərdiyi performansla əsas heyətdə yerini möhkəmləndirib və artıq azarkeşlərin qəlbini fəth edib.

Məşhur agent Jorge Mendesin bu həftə Barselonada klub prezidenti Joan Laporta ilə görüşməsi də məhz bu məsələ ilə bağlı olub. Görüş zamanı PSJ-nin marağı təsdiqlənib, lakin klub qərarlıdır: Yamal satılmayacaq.

Fidan
Milli.Az