İdman

Milli komandamızdan bu futbolçu KƏNARLAŞDIRILDI

23 Mart 2025 17:38

Baxış: 1 721

VTB-də minimal faiz dərəcəsi ilə nağd kredit 10.49%-dən

#AZƏRBAYCAN FUTBOLU #FUTBOL

Azərbaycan milli komandasının futbolçusu Elvin Cəfərquliyev düşərgədən kənarlaşdırılıb.

Bu barədə Offsideplus.az saytına AFFA-nın Mətbuat və İctimaiyyətlə Əlaqələr departamentinin rəhbəri Elnur Məmmədli məlumat verib.

Onun sözlərinə görə, buna futbolçunun dünən Haiti yığmasına qarşı oyunda qırmızı vərəqə alması səbəb olub: "Haiti ilə beynəlxalq yoldaşlıq görüşü FIFA-nın təqvimi əsasında keçirildiyindən, bu oyunda rəsmi matçlarda tətbiq olunan qaydalar keçərli idi. Bu səbəbdən Elvin Cəfərquliyev növbəti yoldaşlıq oyununda forma geyinə bilməz. O, dünənki qarşılaşmadan sonra milli komandanın düşərgəsindən yola salınıb".

Xatırladaq ki, E.Cəfərquliyev Azərbaycan - Haiti matçının (0:3) 85-ci dəqiqəsində meydançadan qovulub. Müdafiəçi görüşün türk baş hakimi ilə mübahisəyə girişərək, sarı vərəqə alıb. Buna görə referini ironik alqışlayan Elvin dərhal qarşısında ikinci "sarı"nı görüb və avtomatik qırmızı vərəqə ilə paltardəyişmə otağına göndərilib.

Yığmamız növbəti oyununu martın 25-də saat 21:45-də Belarusa qarşı keçirəcək.

Milli.Az