İdman

Şahmatda tarix yazıldı: 18 yaşlı gənc Dünya Çempionu oldu

13 Dekabr 2024 14:20
Baxış: 3 049
VTB-də minimal faiz dərəcəsi ilə nağd kredit 10.49%-dən

Şahmatda 18 yaşlı gənc dünya çempionu rekordunu qırıb.

Milli.Az xəbər verir ki, Hindistanın fəxri Qukesh Dommaraju cəmi 18 yaşında Şahmat üzrə Dünya Çempionatını qazanaraq tarix yazıb.

Qukeş çətin mübarizədən sonra çinli rəqibi Dinq Lireni 7,5-6,5 hesabı ilə məğlub edərək, 1985-ci ildə Qarri Kasparovun qırdığı ən gənc dünya çempionu rekordunu yeniləyib.Gənc şahmatçı oyunun sonunda göz yaşlarına boğularaq dəqiqələrlə ağlayıb.

Qukeş aprel ayında keçirilən Namizədlər Turnirində qalib gələrək dünya çempionatı matçına vəsiqə qazanıb. 14 raundluq yarışı uğurla başa vuran gənc istedad şahmat avtoritetlərini və həvəskarlarını heyrətə gətirib.

Qeyd edək ki, digər tərəfdən 2023-cü ildə Ian Nepomniachtchi-ni məğlub edərək dünya çempionu olan Dinq Liren bu məğlubiyyətlə taxt-tacını itirib. Yanvar ayından bəri klassik oyunda qələbə qazana bilməyən və bir çox mühüm hadisələri qaçıran Dinqin forması çempionat matçında öz təsirini göstərib.

Fidan
Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.