PUL
.jpg)
"Mançester Siti"nin baş məşqçisi Xosep Qvardiola "Qızıl top"u futbolçusu Rodrinin qazanmasına münasibət bildirib.
Milli.Az qol.az-a istinadən xəbər verir ki, o, mətbuat konfransında deyib:
"Xavi və İnyesta bu mükafatı ona görə qazana bilməyiblər ki, həmin dövrdə Messi var idi. Messini isə heç kim məğlub edə bilmirdi. Bunu ancaq Kriştiano edə bilirdi. Kristiano canavar idisə, Messi canavarın atası idi. Onlar ikisi son 15-20 il ərzində inanılmaz şeylər ediblər. Ona görə, bəlkə də Xavi və İnyesta bu mükafata layiq idilər. Düşünürəm, Rodri dünən bütün İspaniya futboluna layiq olanı qazandı.
Vinisius bu mükafata daha çox layiq idi? Bəlkə də, lakin olan artıq olub. Səsverməni jurnalistlər edirlər, hansısa varlı insanların qruplaşmaları yox. Bu mükafata bütün dünya səs verib, bir ölkə yox".
Qeyd edək ki, Rodri 2024-cü ilin "Qızıl top" mükafatını qazanıb.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
