İdman

“Qarabağ” ötən il ən yaxşı seçilmiş qapıçını ALDI

15 Avqust 2024 12:35

Baxış: 1 174

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU #QARABAĞ #FUTBOL #TRANSFER

"Qarabağ" klubu növbəti transferini reallaşdırıb.

Milli.Az İdman.Biz-ə istinadən bildirir ki, bu barədə klubun mətbuat xidmətinə istinadən məlumat verir.

Qapıçı Mateuş Koxalski heyətə cəlb edilib.

Uzun sürən danışıqlar nəticəsində Polşa təmsilçisi "Stal Mielets"lə razılıq əldə olunub.

Klubumuzla 24 yaşlı polşalı qolkiper arasında 3+1 illik müqavilə imzalanıb. O, "Stal Mielets"in heyətində keçirdiyi ötən mövsümdə Polşa çempionatının ən yaxşı qapıçısı adına layiq görülüb.

Koxalski 2022-ci ilin yayından "Stal Mielets"in şərəfini qoruyub. O, bunadək "Legionoviya Legionovo", "Radomyak Radom" və "Legiya Varşava"da forma geyinib.

Qeyd edək ki, klubumuzun yeni qapıçısı bu ilin iyununda Polşanın əsas millisinin AVRO-2024-ə hazırlıq prosesinə dəvət alıb və təlim-məşq toplanışında iştirak edib. O, bunadək U-16, U-17, U-18 və U-19 milli komandalarında da çıxış edib.

Milli.Az
Xəbərlərimizi WhatsApp kanalımızdan da oxuyun