İdman

Fransada bu dəfə Qətər əmirinin gəlini qarət edildi

29 İyul 2024 09:31

Baxış: 1 469

VTB-də minimal faiz dərəcəsi ilə nağd kredit 10.49%-dən

#QATAR #FRANCE #OĞURLUQ #OLİMPİADA

Nitsadan Parisə Olimpiya Oyunlarına gedən sürətli qatarda Qətər əmiri Təmim bin Həməd Əl Taninin gəlininin içərisində "Hermes" brendinə məxsus 11 çantası olan şəxsi baqajı oğurlanıb.

Milli.Az qafqazinfo-ya istinadən xəbər verir ki, bu barədə "Le Parisien" nəşri məlumat yayıb.

Qeyd olunub ki, Qətər əmirinin gəlini öz qulluqçusunun müşayiəti ilə bu şənbə, iyulun 27-də Kann stansiyasında sürətli qatara minib.

"Nitsadan yola düşən qatar Parisin Lion vağzalına getməli idi. Saat 12:00-13:40 aralığında o, "Hermes" brendinə məxsus 11 çantanın oğurlandığını görüb", - deyə bildirib.

Fransa nəşrinin məlumatına görə, hadisə ilə bağlı araşdırma başlayıb. Hazırda çantalar və onları oğurlayanlar tapılmayıblar.

Xatırladaq ki, bundan əvvəl Braziliyanın əfsanəvi futbolçusu Ziko da Fransanın paytaxtı Parisdə qarət edilib.

Milli.Az
Xəbərlərimizi WhatsApp kanalımızdan da oxuyun