İdman

Kot-d'İvuar Afrika Millətlər Kubokunun qalibi olub

12 Fevral 2024 07:23
Baxış: 550
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Kot-d'İvuar ev sahibliyi etdiyi Afrika Millətlər Kubokunun qalibi olub.

Milli.Az report.az-a istinadən xəbər verir ki, Emers Faenin yetirmələri finalda Nigeriya millisi ilə qarşılaşıb.

Qarşılıqlı qollarla yadda qalmış matç meydan sahiblərinin əzəli qələbəsi ilə başa çatıb. Oyunda ilk qol 38-ci dəqiqədə vurulub: Uilyam Troost-Ekonq Nigeriyanın hesabda irəli çıxarıb. Komandalar fasiləyə Nigeriyanın minimal üstünlüyü ilə yollanıb. İkinci hissədə isə Kot-d'İvuar millisi geridönüş edə bilib: 62-ci dəqiqədə "Əl-Əhli"nin hücumçusu Frank Kessi status-kvonu bərpa edib, 19 dəqiqə sonra isə "Borussiya Dortmund"da çıxış edən Sebastyen Alle fərqlənərək yekun hesabı müəyyənləşdirib - 1:2. Kot-d'İvuarın hər iki qolunda məhsuldar ötürməni 22 yaşlı Simon Adinqra edib.

Beləliklə, qərbi Afrika təmsilçisi dördüncü dəfə qitənin ən güclü komandası olub.

Qeyd edək ki, Kot-d'İuvar seçməsi bu uğur nəticəsində 7 milyon ABŞ dolları gəlir götürüb.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.