İdman

Məşhur futbolçu A seriyası klubunun baş məşqçisi təyin olunacaq

10 Oktyabr 2023 21:37

Baxış: 954

#FUTBOL

Məşhur futbolçu Filippo İnzaqi İtaliya A seriyası klubu "Salernitana"nın baş məşqçisi təyin olunacaq.

Milli.Az report-a istinadən xəbər verir ki, 50 yaşlı mütəxəssisin bu gün yeni komandası ilə münasibətləri rəsmiləşdirəcəyi gözlənilir.

"Salernitana" rəhbərliyi bunu elan etmək üçün hazırkı baş məşqçi Paulu Souzanın istefasını gözləyir. Bununla bağlı portuqaliyalı ilə danışıqlar son mərhələdədir. Souzanın müqaviləsinə gün ərzində qarşılıqlı razılıqla xitam veriləcək. İnzaqi isə mövsümün sonuna qədər komandanın "sükanı arxasında" olacaq.

Qeyd edək ki, "Salernitana" hazırda A seriyasında 19-cu pillədə qərarlaşıb. Filippo İnzaqi son iş yeri olan "Recina"dan avqustda ayrılıb.

Milli.Az