İdman

Emreli "Dinamo Zaqreb"i bu Türkiyə klubuna dəyişir

25 Dekabr 2022 11:06
Baxış: 3 325
VTB-də minimal faiz dərəcəsi ilə nağd kredit 10.49%-dən

Azərbaycan millisinin hücumçusu Mahir Emreli "Dinamo Zaqreb"dən ayrılıb Türkiyə klubuna keçəcək.

Milli.Az fanat.az-a istinadən xəbər verir ki, bu barədə tanınan jurnalist və futbol mütəxəssisi Fuad Ələkbərov özünün sosial şəbəkə hesabında məlumat yayıb.

Mənbə klubun adını çəkməsə də, Xorvatiya mətbuatı bunun "Antalyaspor" olduğunu iddia edir.

Bu baş versə, Emrelinin "Dinamo"da çıxışı cəmi 11 ay çəkəcək. O, bu ilin fevralında "Legiya"dan Zaqreb klubuna keçib. 25 yaşlı hücumçu bu mövsüm "Dinamo"nun heyətində cəmi 233 dəqiqə meydanda olub. O, liqada üç qol vurub. Ümumilikdə 11 ayda "Dinamo"da 20 oyun keçirib və 5 qol vurub.

Emrelinin "Dinamo" ilə 2026-cı ilə qədər müqaviləsi var və "Transfermarkt" onun dəyərini bir milyon avro göstərir.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.