İdman

"Frayburq"un aparıcı futbolçusu "Qarabağ"la oyunu buraxacaq

5 Sentyabr 2022 23:02

Baxış: 855

#QARABAĞ #AVROPA LİQASI #FUTBOL

"Frayburq"un futbolçusu Roland Şallai UEFA Avropa Liqasının qrup mərhələsinin ilk turunda "Qarabağ"a qarşı oynaya bilməyəcək.

Milli.Az "report"a istinadən bildirir ki, bu barədə macarıstanlı yarımmüdafiəçinin atası Tibor Sallai "Nemzetisport" nəşrinə açıqlama verib.

O bildirib ki, 24 yaşlı oyunçu Bundesliqada V turun "Bayer"lə səfər matçında (3:2) sifətindən ağır zədə aldığı üçün qarşılaşmanı buraxacaq: "Hazırda əməliyyata ehtiyac yoxdur. Bir neçə gün evdə yatmalıdır. Gələn həftə yenidən müayinə olunacaq, o vaxtadək dincəlməlidir. Əlbəttə, onun üçün psixoloji cəhətdən ağırdır. Çünki "Qarabağ"a qarşı oynamaq istəyirdi. Amma mümkün olmayacaq. Bir müddət maska ilə mübarizə aparmalı olacaq. Ümid edirik ki, ən qısa zamanda meydana qayıda biləcək".

Qeyd edək ki, "Frayburq" Avropa Liqasında ilk oyununu sentyabrın 8-də evdə "Qarabağ"a qarşı keçirəcək. "Europe Park" stadionunda təşkil olunacaq G qrupunun I tur matçı Bakı vaxtı ilə saat 23:00-da başlanacaq.

Milli.Az