İdman

"Səfərdə daha yaxşı nəticə əldə edəcəyimizə inanıram" - Zubir

18 Avqust 2022 08:48

0 Şərh Baxış: 1 107

VTB-də minimal faiz dərəcəsi ilə nağd kredit 10.49%-dən

#AZƏRBAYCAN FUTBOLU

"Qarabağ"ın futbolçusu Abdullah Zubir Çempionlar Liqasının pley-off mərhələsində "Viktoriya" ilə (Plzen, Çexiya) Bakıda keçirdikləri ilk matçdan (0:0) sonra jurnalistlərə açıqlama verib.

Fransalı yarımmüdafiəçi deyib:

"Çox yaxşı komandaya qarşı çıxış etdik. Çətin oyun oldu. Fiziki cəhətdən çətin və güclü qarşılaşma idi. Öz oyunumuzu göstərməyə çalışdıq. Amma bu, o qədər də asan deyildi. Səfərdə daha yaxşı nəticə əldə edəcəyimizə inanıram. Səfərə böyük həvəslə yollanacağıq. Orada əlimizdən gələnin ən yaxşısını edərək qalib gəlməyə çalışacağıq. Baş məşqçimiz Qurban Qurbanov bizə 2016-cı ildəki oyunu göstərməyib. Pley-offdayıqsa, deməli, qrup mərhələsində çıxış etməyə layiqik. Rəqib də pley-offdadırsa, deməli, güclüdür. Biz də əlimizdən gələni edəcəyik ki, səfərdə qalib gələk və Çempionlar Liqasının qrupuna düşək".

Qeyd edək ki, bu komandalar arasında avqustun 23-ü Çexiyada keçiriləcək cavab görüşü Bakı vaxtı ilə saat 23:00-da başlayacaq.

Milli.Az