"Qələbə qazanmaq istəyirdik. Amma rəqib səhvsiz oynadı".
Milli.Az apasport.az-a istinadən bildirir ki, bunu "Səbail"in baş məşqçisi Mahmud Qurbanov deyib.
49 yaşlı mütəxəssis Misli Premyer Liqasının II turunun "Turan Tovuz"la ev oyunundan sonra fikirlərini "CBC Sport"a açıqlayıb: "Bizim bir səhvimizdən qol vuruldu. Bu da həlledici oldu. İstər yerlilər, istər legionerlər bu gün yaxşı oynamadılar. Rəqib qapanmışdı. Bu müdafiə xəttini yara bilmədilər. İstədiyimizi görmədik".
Qeyd edək ki, "Səbail" - "Turan Tovuz" oyununda qonaqlar 1:0 hesabı ilə qalib gəlib.
Milli.Az