İdman

ÇL-də 1/8 final həyəcanı - Bu gün daha iki oyun keçiriləcək

22 Fevral 2022 08:44

0 Şərh Baxış: 1 818

VTB-də minimal faiz dərəcəsi ilə nağd kredit 9.9%-dən

#ÇEMPİONLAR LİQASI #FUTBOL

Bu gün UEFA Çempionlar Liqasında 1/8 final mərhələsinin daha 2 oyunu keçiriləcək.

Milli.Az "Report"a istinadən bildirir ki, qarşılaşmalar Bakı vaxtı ilə saat 00:00-da başlayacaq.

Turnirin son qalibi "Çelsi" İngiltərədə Fransanın "Lill" klubu ilə üz-üzə gələcək. "Stemford Bric" stadionundakı görüşü ispaniyalı FIFA referisi Xesus Hil Mansano idarə edəcək.

Meydan sahiblərində Ben Çiluellin zədə səbəbindən oynamayacağı dəqiqdir. Ris Ceyms, Meyson Maunt və Ruben Loftus-Çikin meydana çıxması sual altındadır. Qonaqlarda isə Renatu Sanşeş və İsaak Lihacinin matçda iştirak edib-etməyəcəyi bilinmir.

Gecənin digər oyununda İtaliya "Yuventus"u İspaniyada "Vilyarreal"la qarşılaşacaq. Matçın baş hakimi almaniyalı Daniel Zibert olacaq.

Qarşılaşma öncəsi hər iki komandada ciddi itkilər var. Turin klubunda Corco Kyellini, Daniele Ruqani, Paulo Dibala və Federiko Kyeza, La Liqa təmsilçisində isə Ruben Penya, Fransis Koklen və Jerar Moreno zədəli olduqları üçün matçı buraxacaqlar. Bundan başqa, qonaqlarda Luka Pelleqrini, Leonardo Bonuççi və Federiko Bernardeskinin oynayıb-oynamayacağı dəqiq deyil.

Komandalar arasında cavab oyunları martın 16-də gerçəkləşəcək.

UEFA Çempionlar Liqası, 1/8 final

İlk oyunlar

22 fevral

00:00. "Çelsi" (İngiltərə) - "Lill" (Fransa)

Baş hakim: Xesus Hil Mansano (İspaniya)

00:00. "Vilyarreal" (İspaniya) - "Yuventus" (İtaliya)

Baş hakim: Daniel Zibert (Almaniya)

Qeyd edək ki, 1/8 finalın ilk 4 görüşündə İngiltərənin "Mançester Siti" klubu Portuqaliyada "Sportinq"ə 5:0, PSJ Fransada İspaniya "Real Madrid"inə 1:0, İngiltərə "Liverpul"u İtaliyada "İnter"ə 2:0 hesabı ilə qalib gəlib, Almaniya "Bavariya"sı isə Avstriyada "Zaltsburq"la heç-heçə edib - 1:1.

Milli.Az