Cəmiyyət

WPM şirkətinin sözçüsü Westgold markasına qarşı səsləndirilən böhtanlara cavab verdi

15 Oktyabr 2021 19:00

Baxış: 1 573

VTB-də minimal faiz dərəcəsi ilə nağd kredit 9.9%-dən

Son günlər Yeni Zelandiyada istehsal edilən "Westgold" kərə yağı markası haqqında yazılı və elektron mediada bir sıra böhtanlar səsləndirilib. Marja.az olaraq bu ittihamlara aydınlıq gətirilməsi üçün Westgold markasının Azərbaycanda rəsmi satışı ilə məşğul olan şirkətlə əlaqə yaratdıq. Şirkətin nümayəndəsi Jalə Əlizadənin ittihamlarla bağlı fikirlərini diqqətinizə çatdırırıq.

"Westgold kərə yağı markası haqqında mətbuatda dərc olunan ittihamlara cavab olaraq bildirmək istəyirik ki, şirkətimizə kərə yağının keyfiyyəti ilə bağlı heçbir müraciət daxil olmamışdır. Westgold kərə yağı Yeni Zelandiyada ən son texnoloji avadanlıqlar vasitəsilə "Fritz Churn" nehrə üsulu ilə istehsal olunur. Məhsulun tərkibi və keyfiyyəti ilə bağlı bütün lazimi sertifikatlara istinadən idxal olunur."

Jalə xanım sözlərinə davam edərək bildirib ki, "yuxarıda qeyd olunan ittihamları yayımlayan media orqanları ilə bağlı hüquqi prosedur başladılmışdır. Onların ünvanlarına bu ittihamları sübut edən fatların tələbi ilə bağlı rəsmi məktublar göndərilmişdir. Əgər 3 iş günü ərzində cavab ala bilməsək bu məsələ ilə bağlı müvafiq məhkəmə orqanına müraciət etməyi planlayırıq. Həmçinin qeyd edək ki, Westgold kərə yağı markasının rəsmi nümayəndəliyi olaraq biz bu kimi hallara qarşı mübarizəmizi hüquqi müstəvidə aparmağa davam edəcəyik."

Marja.az olaraq bu məsələni diqqətdə saxlayacaq və izləyicilərimizə nəticələr haqqında məlumat verəcəyik.