Cəmiyyət

Körpəsini öldürən ata hakim qarşısına çıxarıldı

12 Oktyabr 2021 21:22
0 Şərh     Baxış: 936
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Bakı Ağır Cinayətlər Məhkəməsində 6 aylıq övladını qətlə yetirməkdə təqsirləndirilən 1992-ci il təvəllüdlü Vüsal Əliyevin məhkəmə prosesi başlayıb. Hakim Rasim Sadıxovun sədrliyi ilə keçirilən məhkəmənin hazırlıq iclasında təqsirləndirilən şəxsin anket məlumatları dəqiqləşdirilib.

Hadisə zamanı içkili olduğunu deyən V.Əliyev peşman olduğunu, özündə olmadığını, bilmədən belə bir əməl törətdiyini deyib. Məhkəmənin baxış iclasının tarixi yaxın günlərdə təyin ediləcək.

Qeyd edək ki, hadisə bu il mayın 30-da da Binəqədi rayonunda qeydə alınıb. 2020-ci il təvəllüdlü Əliyev Ruzi Vüsal oğlunun yaşadığı evdə ölməsi barədə Binəqədi Rayon Prokurorluğuna məlumat daxil olub. İlkin istintaqla cinayətin zərərçəkmişin atası Əliyev Vüsal Həsən oğlu tərəfindən törədilməsinə əsaslı şübhələr müəyyən edilib. Faktla bağlı rayon prokurorluğunda Cinayət Məcəlləsinin təqsirkar şəxs üçün aşkar surətdə köməksiz vəziyyətdə olan adamı öldürmə maddəsi ilə cinayət işi başlanıb, müvafiq ekspertizalar təyin olunub. Vüsal Əliyev şübhəli şəxs qismində tutularaq istintaqa cəlb olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.