Cəmiyyət

Vaksinasiyanın COVID-lə mübarizədə rolu - VİDEO

22 İyun 2021 12:24

Baxış: 869

VTB-də minimal faiz dərəcəsi ilə nağd kredit 9.9%-dən

#VİDEO

Peyvənd olunanların sayında artım müşahidə olunur

Milli.Az Real TV-ə istinadən bildirir ki, statistikaya əsasən, Azərbaycanda gün ərzində 28 nəfər koronavirusa yoluxub.

İndiyədək isə ölkədə ümumilikdə 335 521 nəfər koronavirusa yoluxub. Onlardan 329 599 nəfər müalicə olunaraq sağalıb, 4 963 nəfər vəfat edib.

Rəqəmlər onu deməyə əsas verir ki, artıq infeksiyaya yoluxmada azalma müşahidə edilir. Bunun əsas səbəbi isə təbii ki, vaksiyaniya prosesi ilə bağlıdır.

Xatırladaq ki, Azərbaycanda gün ərzində koronavirus əleyhinə 215 vaksin vurulub.

Birinci mərhələ üzrə vaksinasiya olunanların sayı 11, ikinci mərhələdə isə 204 nəfərdir. İndiyədək 2 989 673 nəfər vaksinasiya prosesində iştirak edib.

7 saylı şəhər poliklinikasının şöbə müdiri Səbinə Həsənovanın sözlərinə görə, vaksinasiya virusla mübarizədə böyük rol
oynayır. Hazırda vaksin olunmaq üçün poliklinikalara üz tutanların sayında çoxalma var.

Qeyd edək ki, Azərbaycanda koronavirusa qarşı vaksinasiya prosesinə bu ilin yanvarın 18-dən etibarən start verilib.

Daha sonra bu proses mərhələli şəkildə davam etdirilib. Hazırda ölkədə Koronavac, AstraZeneca, Sputnik V, Pfizer vaksinlərindən istifadə olunur.

Dünya ölkələrində isə koronavirusa yoluxma pik həddədir. Bu yöndə siyahıya Hindistan, Braziliya və Amerika liderlik edir.

Belə ki, Hindistanda gün ərzində 53 min, Braziliyada 44 min, Amerikada isə 4 mindən çox insan koronavirusa yoluxub.

Milli.Az