Cəmiyyət

Rəsulzadə və Xocəsən qəsəbələrində 7,5 km küçə və yol təmir edilir - FOTO

14 İyun 2021 20:36
Baxış: 626

2021-ci ilin İnvestisiya Proqramına uyğun olaraq Bakı şəhəri Binəqədi rayonu Rəsulzadə, Binəqədi, Sulutəpə və Xocəsən qəsəbələri üzrə ümumi olaraq 15,4 km küçə və yolda yenidənqurma işlərinin aparılması nəzərdə tutulurdu ki, artıq bir müddətdir bu istiqamətdə rayonun təmir-tikinti işləri davam etdirilir.

Azərbaycan Avtomobil Yolları Dövlət Agentliyindən Milli.Az-a verilən məlumata görə, bu çərçivədə rayonun Rəsulzadə qəsəbəsi üzrə ümumi uzunluğu 3 km təşkil edən küçə və yollarda təmir işləri aparılır. Bunun üçün əraziyə lazımi sayda qüvvə cəlb olunub.

Proqrama uyğun olaraq rayonun Xocəsən qəsəbəsi üzrə də 4,5 km uzunluğunda qəsəbədaxili küçə və yolların təmiri davam etdirilir. Burda nəzərdə tutulan işlərin böyük əksəriyyəti yekunlaşdırılıb.

İşlərin yekunlaşması ardıcıllığına uyğun olaraq Binəqədi qəsəbəsi üzrə 5,3 km, Sulutəpə qəsəbəsi üzrə isə 2,6 km küçə və yolun təmiri işləri icra olunacaq.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.