Cəmiyyət

Bölgəmiz dəyişib: Qərbdən asılı olmayaraq - Gülnarə Məmmədzadə

9 İyun 2021 16:28
Baxış: 569

"Qərb bu və ya digər formada Cənubi Qafqazda yeni status-kvonu qəbul etməyə hazırdır".

Bu sözləri "Trend" agentliyi direktorunun müavini Gülnarə Məmmədzadə Ukraina.ru -ya müsahibəsində səsləndirib.

Hesab edir ki, ABŞ prezidenti Co Baydenin Rusiya və Türkiyə prezidentləri ilə qarşıdakı görüşləri, Bakıya telefon zəngləri nəzərə alınmaqla bu qənaətə gəlmək olar. Ekspertin qənaətincə, Cənubi Qafqaz Putin və Baydenin görüşü olmadan belə dəyişib. "O ki qaldı Cənubi Qafqazda baş verən dəyişikliklərə - bu artıq baş verib. Əvvəlki status-kvo mövcud deyil. Yeni status-kvo regionun bütün dövlətlərini, o cümlədən bölgədə mövqeyini gücləndirən Rusiyanı qane edir. Bundan əlavə nəqliyyat kommunikasiyaları açılır və bu da regionun, xüsusən də Azərbaycanın nəqliyyat-logistik hab olaraq mövqeyini artırır"- deyə G.Məmmədzadə bildirib.

Ekspertin sözlərinə görə, xarici siyasəti analiz edərkən Azərbaycanın heç bir dövlətin asılılığı altına düşmədiyini görmək olur. Rəsmi Bakı onların hər biri ilə qarşılıqlı iqtisadi və siyasi münasibətlər qurmağa müvəffəq olub. İrimiqyaslı layihələr - "Əsrin müqaviləsi" və Cənub Qaz Dəhlizini reallaşdırıb və Qərbdən asılılığa düşməyib.

Politoloq eyniz amanda müsahibəsində Xəzəryanı dövlətlərin gələcəkdə Avropa İttifaqına bənzər inteqrasiya qurumunda birləşə biləcəyi perspektivinə də toxunub. Onun qənaətincə, hələ ki, belə bir perspektivi təsəvvür etmək çətindir. Səbəb kimi də İran faktorunu göstərib.

Azər Nuriyev
Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.